2018(e)ko apirilaren 17(a), asteartea

14. Bazen behin


Bazen behin
Margaret Atwood

“Bazen behin neska txiro bat, ederra bezain zintzoa, amaorde gaiztoarekin bizi zena basoan zegoen etxe batean.”
“Basoan? Basoa demodé dago, hau da, nahikoa dugu basoetako kontu horiekin. Irudi hori ez da bat etortzen gure egungo gizartearekin. Zergatik ez hirian, aldatzeagatik?”
“Bazen behin neska txiro bat, ederra bezain txintxoa, amaorde gaiztoarekin bizi zena hiri bateko kanpoaldean zegoen etxe batean.”
“Hobeki dago hori. Baina zalantzan jarri behar dut txiro hitz hori.”
“Baina txiroa zen!”
“Txirotasuna erlatiboa da. Etxe batean bizi zen, ezta?”
“Bai.”
“Orduan, ikuspuntu sozio-ekonomiko batetik, ez zen txiroa.”